Վարդավառն առանց սրբութեան

Գէորգ Սարուխանեան


Այսօր, Վարդավառ էր: Յիսուս Քրիստոսի Պայծառակերպութեան տօնը: Ջերմօրէն շնորհաւորելով Հայոց Առաքելական եւ Ազգային Սուրբ Եկեղեցու հինգ Տաղաւարներից մէկի տօնը, ցաւով պիտի յայտնենք, որ այս տարի եւս, նշւեց միայն մատուցւող ս. պատարագով ու դարձեալ մօռացւեց ազգային աւանդութիւնը՝ ջրի սրսկումը, որ մեր եկեղեցու անբաժան մասնիկն է:
Թեհրանի Ս. Սարգիս եկեղեցում, այս տարի դժգոհների թիւը շատ աւելի էին նախորդ տարիներից: Անցեալ (մօտաւոր անցեալ) տարիներում, ջրի սրսկման արարողութիւնը, որ մաս է կազմում յիշեալ տօնի արարողութեանց ու չի կարելի անջատել եկեղեցական արարողութիւնից, կատարւում էր նոյն եկեղեցու մերձակայ դպրոցներից մէկուոմ, սակայն այս տարի, դպրոցի տեսչութիւնը եւս չթոյլատրեց կատարել այդ:
Բողոքողներից մէկը իրատեսօրէն մօտենալով հարցին, ասաց թէ՝ երբ ազգային իշխանութիւնը, որի պարտաւորութիւններից կարեւորագոյնը՝ կրօնական աւանդութեան պահպանումն է, արգիլում է ջրի սրսկման արարողութեան գեղեցիկ ու հինաւուրց աւանդութեան իրագործումը եկեղցու շրջափակում (ինչ կատարւել է դարեր շարունակ), ահա պետական տեսուչն ի՞նչ յանձնառութիւն ունի նման աւանդութեան իրագործման թոյլտւութեան կապակցութեանմբ՝ պետական դպրոցի շրջափակում…:
Թէ ինչո՞ւ եւ ի՞նչ դրդապատճառներով արգիլւեց վարդավառի ջրի սրսկման արարողութեան իրագործումը եկեղեցիներում, եւ կամ Տըրընդէզի աւանդական հրաւառութիւնը, դա քննարկելի հարց է եւ պիտի քննարկւել հէնց տարիներ առաջ, բայց հարցի ընդհանրապէս ջնջելը՝ չի թւում խոհեմ ու մտածւած քայլ լինի: Եթէ այդպէս է, համայնքում շատ երեւոյթներ կան, որոնք պիտի սկզբից ջնջել ու մըրացութեան յանձնել: (Թէեւ նման փորձեր էլ կատարւում են):
Ազգային իշխանութիւնը հարցն իսկականից ջնջելու փոխարէն, լուծումների մասին պիտի մտածէր ու միջոցներ կիրառել, չէ որ հէնց այդ առաքելութեամբ է, որ գոյութիւն ունի՞:
Ցաւալի է, բայց ո՞վ, ի՞նչ է կարող անել: Շնորհաւորում ենք Վարդավառի տօնը, եւ դարձեալ ցաւում ենք, որ այդ կրօնականաւանդական տօնից դարձեալ բացակայեց սրբութեան, անկեղծութեան ու մաքրութեան խորհրդանիշ՝ կենսատու ջուրը:
Այս բարեբաստիկ տօնը շնորհաւորում ենք մանաւանդ բոլոր Վարդուհիներին, Վարդանոյշներին, Նւարդներին, Զարվարդներին, Վարդերին, Վարդիթերներին, Վարվառէներին, Սիրվարդներին, Լուսվարդներին, Ալվարդներին, Վարդեանիերին, Վարդինէներին, Ռոզաներին, Պայծառներին, Շատրիկներին, Վարդգէսներին, Վարդազարներին, եւորոնց անւանակոչութեան տօնն է այսօր:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: