Այն մասին, թէ՝ մենք ո՞վ ենք

Գէորգ Սարուխանեան

«Մեր Համայնք» լրատու ցանցի վարիչ կազմի անդամ

Կայքէջին ուղղած գրութիւնների մէջ, մեր սիրելի ընթերցողները, ողջունելով մեր գոյութեան իրողութիւնը, առաջին հերթին, ցանկութիւն են յայտնել իմանալ թէ՝ մենք ովքեր ենք: Դա բնական ու տեղին պահանջ է, որը գալիս է մարդ արարածի բնազդային հետաքրքրասիրութիւնից: Անկախ դրանից, ընթերցողի իրաւունքն է իմանալ այն մասին, թէ՝ ո՞վ է նստած իր խօսակցութեան սեղանի միւս կողմը, թէեւ մեր կարծիքով բոլորս էլ այս բազմակողմանի խօսակցութեան սեղանի մէկ կողմում ենք նստած ու բոլորս էլ գրեթէ միասնական ցաւից ենք նեղւած:

Այդ բոլորով հանդերձ, որոշ պատճառներով, որի մասին կը բացատրենք հէնց այս քանի տողերում, դժբախտաբար չենք կարող շատ թափանցիկ տեղեկութիւններ տալ:

Առաջին հերթին, մենք Իրանի Իսլամական Հանրապետութեան օրինապահ քաղաքացիներ ենք, որ մեր համոզումով՝ որպէս իրանահայեր ու լիիրաւ քաղաքացիներս մեր պարտաւորութիւնների հետ միասին նաեւ ունենք մեր իրաւունքները:
Երկրորդ հեթին իրանահայ համայնքի անդամներ ենք. Հայոց Առաքելական, Ժողովրդավար ու Ազգային Եկեղեցու զաւակներ, որի «Հաւատամք»ը մեր կրօնական համոզումն ու սկզբունքն է: Իսկ եթէ հարցումները մեր քաղաքական-գաղափարական ուղղւածութեան մասին է, պէտք է ասենք, որ մեզ հետաքրքրում է համայնքի ազգային, հասարակական, մշակութային, կրօնական, կրթական, մարզական… եւ նման հարցերը եւ փորձում ենք վեր հանել այդ ոլորտներում գոյութիւն ունեցած թերութիւնները՝ սխալները սրբագրելու նպատակով: Քաղաքական ուղղւածութեան ու արեւելումի մասին կը ստենք եթէ ասենք այդ իմաստով ոչ մի հոսանքի չենք համակրում, քանզի համոզւած ենք այդպիսի մարդիկ ընդհանրապէս ոչինչով էլ հետաքրքրւած չէն, եւ ըստ այնմ չեն էլ կարող որեւէ հարցի նկատմամբ սրտցաւութիւն ցուցաբերել: Այս մասին այսքանը բաւական է շեշտենք, որ եթէ ինչ որ մի օր, ստիպւած պիտի լինենք գործնական դաշտում կողմնորոշում ցուցաբերել, բնական է, որ պիտի կանգնենք աւանդական այն կազմակերպութեան կողքին, որ մանաւանդ մեր վերջին հարիւրամեայ պատմութեան ընթացքում, իր խիզախ ու վճռական քայլերով, իրանահայութեան մշակութային, կրթական, ազգային, հասարակական, եւ… բարգաւաճումն ու կայունութիւնը երաշխաւորելու հետ միասին, յանձնառու կեցւածքով ու որդեգրած քաղաքականութեամբ ապահովել է նաեւ մեր իրաւունքների գործադրումն ու Ֆիզիկական անվտանգութիւնը: Այս մասին հէնց այսքանը:
Իսկ թէ ինչո՞ւ ենք խուսափում մեզ ներկայացնել այնպէս, որ կանք, դա ուղղակիօրէն վերագրում ենք այն մարմիններին, որոնք քննադաթութիւնները բոլորովին չնդունելով, ծանր պատիժների վճիռ են արձակում սրտցաւ քննադատողների համար: Դրանք եթէ լինէին մահապատիժ կամ երկարատեւ բանտարկութիւն շատ աւելի ցանկալի էր, քան այն պատիժները, որոնք գործադրւում են այսօր: Այդ մարմինները, քննադատողներին պատժում են անհիմն որակումներով, հեղինակազերծումներով, ծաղրելով, ազգային մարմիններից ապօրինի կերպով վտարելով, լուսանցքների խորքերում թափառեցնելով ու վէրջապէս մեռած էակների վերածելով: Այս ցաւալի եւ հիւանդագին գործընթացը թափ է ստացել մանաւանդ վերջին 8-9 տարիների ընթացքում, երբ ստալինական բռնատիրութեան համակարգի գործելաոճը դարձաւ տիրական:
Փաստը՝ մեր համայնքի օրէցօր որակազրկումն ու բազմակողմանի անկումը, որը թափ ստացաւ նման պատւական մարդկանց հրապարակից քշւելով: Նայենք մեր շուրջը. տասնեակ կրթական, մշակութային ու ազգային գործիչներ, որոնք դեռ տարիներ ներդրելու կարողութիւն ունեն տակաւին, սակայն որոշ պարոններին ու օրիորդներին դուրեկան չեղած քննադատութիւների հետեւանքով, այսօր ամբողջովին լքւելով, անեկամուտ ու անապաւէն իրենց տների անկիւններում տխուր պահեր են անց կացնում, լաւագոյն դէպքում փարքերում են թափառում եւ ամենացաւալին՝ դրանցից ոմանք մութ ու խոնաւ արհեստանոցներում խաղալիքներ, տիկնիկներ են մոնտաժում… Սա ողբերգութիւն է, որ մեր ազգային իշխանութեան որոշ կամակոր անձանց կիրառած քաղաքականութեան արդիւնքն է: Եւ մենք չենք ուզում այդպիսի դառն ճակատագրի մատնւենք:

Ուրեմն իրաւունք տւէք, որ մենք հէնց այսպէս անծանօթ համայնքի ընդհանուր շահերը պաշտպանելու պատնէշի վրայ կանգնած մնանք: Այս բոլորով հնդերձ՝ տակաւին Ձեր անժխտելի իրաւունքն է իմանալ թէ մենք ո՞վ ենք: Կարծում ենք բաւարարւեցիք: Այս մասին պատրաստ ենք լսել ու արձագանգել նաեւ Ձեր պատւական տեսակէտները:

Մնացէք մեր հետ:

One Response

  1. barev mer hamaynk varich gazmi bolor andamnerin. shad shnorhagal enk vor nman site ek janabar ktsel, garike shad er zgatsvoom, mer mod voch mi tert azad chi garogh knadadel. sireliner yes yev im engerneres chenk oozoom imanal te dook ov ek, mez hamar hedakrkire zer khoskern e. menk hedakrkrvetsink Ararati footbolli khmbi masin yev irok desank te dook jisht ek asoom. nrank vor iraganootyune bats en toghel oo pndroom en te dook ov ek, anmidner en. ayskan dari aydbes en ghegavarel hamaynke, yete mege meban asoom e chen lsoom iren yev portsoom en mezev nran kheghdel. dook sharoonagek zer gortse yev vsdah yeghek vor menk zer entertsoghnere ge mnank yev yerp sanganak gortsi el gantsnenk, hamaynke aghberits srbeloo hamar.
    hajogh linek.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: