Դեռ շարունակում են անյարգել քրիստոնեաներին

«Մեր Համայնք» , Թեհրան – Այսօր կիսապետական Ֆարս լրատւական գործակալութիւնը հրապարակել է «իրանում քրիստոնեութեան ծաւալման» մասին կատարւած մի ուսումնասիրութեան արդիւնքները որում ասւել է իրանում առհասաակ թմրամոլները, անբարոյականները, անհաւատները եւ քաղաքական հակառակորդներն են, որ թեքւում են դէպի քրիստոնեութիւն: Տւեալ լրատւութիւնը նաեւ աւելացրել է թէ քրիստոնեայ քարոզիչները քարոզում են, որ Քրիստոսի աշակերտներից մէկը անբարոյական է եղել եւ քրիստոսը սիրել է իրեն, եւ այդ պատրանքով անբարոյական կանանց ներգրաւում են իրենց խմբերում ու քրոստոնեայ դարձնում:

Այս երեւոյթը նորութիւն չէ իրանում եւ եթէ մեր ազգային իշխանութիւնը Այաթոլահ Ջանաթիին, որը անցեալ տարի նմանօրինակ խօսքեր էր ասել ոչ-իսլամների մասին, բաւարար եւ ճիշտ պատասխան տային այսօր մենք այդ երեւոյթի կրկնութեան ականատեսը չէինք լինել:

Հարկ է յիշեցնել մեր ազգային եւ կրօնական իշխանութիւններին, որը եթէ այս անգամ եւս կրաւորական եւ անպատասխանատու կեցւածք որդեգրեն, չի բացառւում, որ ապագայում աւելիով զարգանայ նմանօրինակ անյարգալից արտայայտութիւնները:

Վերջում աւելացնենք, որ յիշեալ լուրը մեծ ծաւալով տեղ է գտել բազմաթիւ կայքէջերում եւ թերթերում:

 

***********************************

Լուրին վերաբերող յղումներ

***********************************

1. Իսլամական Յեղափոխութեան Մշակոյթ

2. Շիա Օնլայն

3. Ֆարդա Նիւզ

4. Ֆարս Գործակալութիւն -1-  -2-  -3-  -4-

5. Ալբորզ Նիւզ

 

 

Advertisement